Tentando influír no tempo

Póñome á letura da Comarca desta semana e atopo unha columna con título 'Acisa e CCA denuncian que las previsiones erróneas del tiempo en televisión repercuten en la hostelería y el comercio'. O caso non é ise. Lendo no interior, parece que pretenden influír para que non se coloque unha nube sobre Ribadeo e así non asustar ós turistas. Ó caso é que esta tempada o tempo está así, e mesmo cando en Lugo fai sol e calor, en Ribadeo está unha nube que non se ve a outra beira da ría.
É certo que a previsión do tempo xa se ve influída por lobbys de diverso tipo que actúan de xeito diferente segundo a administración: non é doado, por exemplo, que coincidan para Ribadeo as previsións de Meteogalicia coas de Aemet, como teño podido comprobar en moitas ocasións. Por iso non é raro que unha asociación ribadense tente facer algo semellante. Pero coido que unha cousa é esixir a máxima exactitude e outra moi diferente o que unha asociación entende por mínimo perxuízo. E remarco o de 'entender', pois se ben está claro que as praias son unha atracción, tamén coido que non é nin moito menos a única, e que entre elas está o non pasarse o día sudando e poder durmir con algo por riba do corpo en troques de empapado de suor. E outros sectores poden ter outros intereses, e, comezando coa guerra de intereses, moi posiblemente non quedaría beneficiado ninguén: nin as axencias de meteoroloxía polo desprestixio acarrexado, nin os hosteleiros porque a xente remataría non crendo as prediccións, ...
A foto, dun banco diante da casa de Calvo Sotelo, no mirador sobre a ría de Ribadeo. A mancha non é tal, é ... consecuencia do clima húmido da terra.

Marítima

Despois do tema de contaminación da ría de onte, xa onte tamén se comentaba a presenza dun escualo grande fronte ás praias da costa. Hoxe renóvase a información dando unha medida de máis de 4m e especulando sobre se pode ser un tipo de tabeirón inofensivo, que será tratado de localizar e caracterizar por persoal do cepesma. Mentras, algunha praia estivo onte coa prohibición de baño. A mesma praia, Os Castros, está sendo limpada de algas, acumuladas das últimas tormentas.
Máis? O PP chama a atención sobre a proliferación de indixentes na zona das catro calles e nos bloques, pregunta efectuada polo Tesón en marzo, e soslaiada sen unha resposta de actuación, o mesmo que outras moitas preguntas, como as feitas sobre as bicicletas do concello, ocupación do parque, etc (por exemplo).
Á beira, unha foto da maqueta feira para o ascensor da Atalaia, do que me siguen a faltar ocos de visión dende/cara ó exterior.

Agora que comeza o verán, cárcere contra o ruído

Unha noticia publicitada a nive nacional...

A ría de Ribadeo

A principal nova de hoxe nos xornais, no que a Ribadeo se refire, estimo que é o rexeitamento por parte do concello dun informe da Xunta (Consellería de Medio Ambiente) sobre a saúde das rías, que no que nos afecta ven a dicir que a de Ribadeo está peor do que estaba.
Despois de procurar un cocho por internet non atopei o informe para botarlle unha ollada, e só me podo referir a cousas que teñen saído xa no blog: fotos co estado da auga en Figueirúa ou a referencia a que bañarse segundo en que partes da ría, dependendo dos cambios de marea, pode producir algunha roncha (referido a anos anteriores, que este ano aínda non o experimentei), así como o estado lamentable do fondo na rada de bloques. De calquera xeito, parece que peor que en anos anteriores non está...
A foto, a Lieira dende Castropol. Ó fondo, As Figueiras.

Coñece o teu Concello, coñece a túa Provincia

Coñece o teu Concello, coñece a túa Provincia
Como xa dixemos nun artigo anterior, dende o día 1 ao 4 de Xuño se estivo a departir o cursiño "Coñece o teu Concello, coñece a túa Provincia" de 20 horas lectivas, impartidas pola profesora Elena e organizado pola Vicepresidencia Terceira da Deputación de Lugo.
O programa consistíu en un 1º día: onde se contou a historia do Concello. Lendas, contos e anécdotas que forman parte da cultura popular. A transmisión oral da historia local.
2º día. Practicar as habilidades sociais: aprender a comunicar os nosos coñecementos a un grupo de persoas (relatado no artigo anterior).
3º día. Posta en práctica dos coñecementos adquiridos: visita guiada polos alumnos na vila.
4º día. Presentación de un circuito guiado modelo pola vila.
Pois ben. Os alumnos fixemos un circuito empezando pola Plaza de España, calle Bos Aires, volta polo paseo marítimo, subida a Cabanela, paseo por Porcillán, subida polas escaleiras hacia a capela de San Miguel, paseo ata o Cargadeiro de mineral, e volta polo Grupo San Miguel, avenida de Rosalía de Castro e terminando na esquina do Teatro.
Pero o día 24, cando nos visitaron os cursillistas da Ribeira Sacra de Monforte e de Pantón, empezamos as explicacións o revés. Pareceunos que sendo Ribadeo porto de mar, fixéramos a entrada como vindo en barco, de fora hacia dentro. Circuito máis lóxico, pois os turistas trátase de atraélos o pobo, o seu centro neurálxico da historia, do comercio e do ambiente de diversión e de marcha. Por tanto o autobús deixounos na área do antigo cargadeiro de mineral e viñemos vindo, pola capilla de San Miguel, baixamos a escaleira para o peirao deportivo, recorrimos Porcillán e gustoulles, ("olvidámonos" de enseñarlles as obras de Cabanela) e subimos por Antonio Otero, comentando as historias e desenrolo das casas almacenes do porto, da Casa Armadora de Bengoechea e logo Bustelo, a Escola de Naútica, a casa da madre de Del Rio, e un pouco máis arriba a casa de Navarro Reverter, logo cruzamos por casi enfrente da Casa da Xuventude hacia a Praza da Fonte dos Catro Caños, e na calle de Amando Pérez, vemos os escudos heráldicos da Casa de Miranda e lles contamos a lenda das Cen Doncelas, a cuio tributo contribuían os veciños da Ría de Ribadeo, subimos e torcemos a esquerda pola Praza de Abaixo, e salimos a Praza de España pola calle da Fortaleza. Fómoslles explicando os edificios principales, que rodean esta axardinada praza. Falamos sobre do Pazo dos Moreno, da Casa do Concello, antigo Pazo de Ibañez, da Aduana, do convento de Santa Clara, e do convento de San Francisco a actual igrexa parroquial de Santa María do Campo. Recorremos a calle San Francisco, mostrándolles a casa da antigua aduana, torcemos a direita pola Avenida de Asturias, e chegamos a Praza de Abastos de Ramón González, baixamos ata a esquina de Gayol e recorremos as casas señoriales de San Roque e casas de indianos, ata a Casa Rosa do medio (que non é de indianos, pero paréceo), logo voltamos polas catro calles e o autobus que recollía os da Ribeira Sacra, esperábanos diante da Oficina nova de Información e Turismo.
O pobo gustóulles moito, pero non poidemos ensiñarlles o Forte de San Damián para darlles unha mellor explicación pois sempre está pechado e para eles foi unha decepción atopar tamén a igrexa parroquial pechada, pois son xente de igrexas posto que na Ribeira Sacra teñen unha ruta que conservan como ouro en paño, de 10 igrexas (San Nicolao de Portomarín, Santo Estevo de Ribas de Miño e San Paio de Diomondi en O Saviñao, San Estevo de Chouzán en Carballedo, San Miguel de Eiré e San Vicente de Pombeiro en Pantón, Santo Estevo de Ribas do Sil en Luintra, Santa Cristina de Ribas do Sil en Parada do Sil, San Pedro de Rocas en Esgos e o Mosteiro de Santa María Montederramo en Montederramo, e ademáis San Fiz de Cangas, igrexa románica antigo mosteiro de monxas benedictinas citado xa en documentos de 1108 e 1119). A fealdade tan a vista do deterioro do Pazo dos Moreno debera de ser un tema a resolver, dificil, pero debe resolverse, así como, o das casas sin cristales na Praza de España que deberan poñerllos e pintalas, aínda que solo fora como "atrezzo" para a estación veraniega en que tanta xente nos visita.
Francisco J. Campos Dorado

Internet libre, máis preto?

A cousa sería así... ou sexa, aínda está lonxe

Vectores da economía ribadense

Atópome hoxe na prensa un especial sobre a economía da provincia. No mesmo exemplar, atopo que o coche máis vendido na actualidade é o Megane, que non é precisamente a gama máis baixa de Renault, e a nova de que o sector forestal da provincia segue caendo en importancia mentras os viños da Ribeira Sacra, que se están posicionando entre a gama alta, medraron as súas vendas un 35% en 2008, en plena crise. Parece que a crise, como se ven mantendo non é para todos os sectores de poboación do mesmo xeito.
A cousa foi que ó anterior cheguei despois de interesarme outra nova económica, a relación de empresas de Lugo, ordeadas por facturación.
A cousa foi que a empresa no lugar 13, Acciona Eólica de Galicia, con 48M€ facturados, ... non ten empregados!. Pensei que sería un erro (coido que unha lista destas ten normalmente un índice de erros relativamente grande), ata que vin outras moitas empresas na mesma situación. A seguinte nela é 'Cafés Candelas', marca coñecida, con 28M€ facturados o pasado ano, no posto 24. E así poderiamos sguir.
E seguín. A primeira empresa que aparece afincada en Ribadeo é Fertieuropa, posto 52 de facturación na provincia, con máis de 16M€, e... 1 empregado.
Xunto coa relación, tentei de achegarme o máis posible vía internet ós datos e web das empresas, pero poucas teñen unha web, aínda que de todas se atopan rastros diversos en internet. Salvo erro pola miña parte, a lista de empresas ribadenses contempla:
Construcciones Coto Ribadeo, SL, nº 93, 9M€, 33 empregados
Garajes San Andrés, SA, nº 95, 9M€, 23
Comercial Agrícola Ribadeo, SL, nº 115, 7M€, 6
Tubolens SA, nº 136, 6M€, 34
Distribuciones López Abelleira SL, nº 312, 3M€, 4 (a gasolinera)
Discosta Norte SL, nº 316, 3M€, 21 (viños Castillo San Damián)
Tiver perfumerías, SL, nº 407, 2M€, 21 (Tiendas Verdes)
Escambruño SL, nº 500, 2M€, 0 (di 'promotora', pero da como lugar ... a piscina?)
Importaciones Carreira SL, nº 531, 1,9M€, 10
Coprori SL, nº 570, 1,8M€, 0
José Pulpeiro Doval-Os Gallopiños SL, nº 583, 1,8M€, 25
Agroquímica Fertipor, SL, nº 614, 1,7M€, 3
Gestión Gratelu, SL, nº 627, 1,6M€, 18
Comagru SL, nº 654, 1,6M€, 1
...
Aparte, hai que ter conta que por exemplo Alcoa non aparece na lista por ter a sé en España en Madrid.
O certo é que me levei algunha sorpresa. Algunha, que non coñecía, outras, que non asociaba con Ribadeo, varias que aparecen con 0 empregados, ...
Como outras curiosidades, aparece Construcciones Coto como 9ª provincial por valor engadido e Electronima como 13ª (0,9M€, 13 empregados) como destacada entre as empresas cun crecemento de máis do 25% anual estes tres últimos anos.

Bandeiras

Unha si se terá este ano, As Catedrais, (comparar coa nova de antonte) e outra non, o Porto Deportivo. A que si, da lugar de novo a un aparcamento que se ve como provisional un ano máis, e a unha caseta de información na procura de rendibilidade turística. A que non, a unha chamada de atención para facer as cousas ('presentar a documentación') como é debido.

Nomes no deporte de Ribadeo... e tamén na política

Atópome na prensa a renovación da diretiva da SD Ribadeo:
Francisco García Gayol, Presidente. Francisco Fernández e Pedro Antonio Martínez, vicepresidentes. Tesoureiro, Guillermo Manuel Méndez. Secretario e xefe de prensa, Germán Ángel Vale. Vogais: Ramón Generoso Rodríguez, Javier Alonso, Nicasio Castañal, José Manuel Folgueiro, José Manuel García, Jesús López, Alejandra Mangiavacchi, Rubén Valledor, Javier Fernández, Ramón González, José Luis López, Juan Barrera, Tania Oliveira, Gonzalo Barreira e Juan García.
O mesmo día, José Carlos Rodriguez Andina aparece como futuro Coordinador provincial de Cultura.

A segmentación da política

Un novo xeito de facer as cousas en política: o Partido Pirata. Por? Preséntase ó cun programa sobre unha idea parcial, non pretendendo ter ideas sobre todo o que ocorre na sociedade... e está a medrar. Por certo, na ligazón que poño, o periódico citado, en contra do que ocorre coas noticias negativas sobre descargas e temas relacionados, nesta, unha noticia 'positiva', non permite comentarios.